Байгаль орчинд нөлөөлөх байдлын үнэлгээний тухай хууль 7.2. Байгаль орчны нөлөөллийн ерөнхий үнэлгээг байгалийн нөөцийг ашиглах, газрын тос болон ашигт малтмал хайх, ашиглах, аж ахуйн зориулалтаар газар эзэмших, ашиглах эрх авах болон төсөл хэрэгжүүлэхээс өмнө хийнэ. Энэхүү хуулийн заалтыг үндэслэн ахуйн нэгж заавал хийлгэнэ.
"ХӨХ БААВГАЙ ХӨВСГӨЛ - BLUE BEAR KHUSVGUL" Монгол Улсын Засгийн газраас аялал жуулчлалын салбарыг эдийн засгийн тэргүүлэх чиглэл болгож "Монголд зочлох жил 2023 - 2025" арга хэмжээг хэрэгжүүлснээр 2023 онд 651061 жуулчин хүлээн авч, тэрбум доллар давсан орлогыг Монгол Улсын эдийн засагт төвлөрүүллээ. Тэгвэл 2024 онд "GoMongolia" - “Өөдөө тэмүүлэх Монгол” Үндэсний зорилт дэвшүүлж, нутгийн иргэдэд түшиглэсэн аялал жуулчлалыг хөгжүүлэх зорилгоор Азийн хөгжлийн банкны санхүүжилтээр хэрэгжиж буй Тогтвортой аялал жуулчлалыг хөгжүүлэх төслийн хүрээнд "Хөх баавгай Хөвсгөл" аялал жуулчлалын хөтөлбөрийг хэрэгжүүлж эхэллээ.
Монгол орныг зорин ирэх жуулчдын урсгалыг нэмэгдүүлэх хүрээнд “Нэг жуулчин-Нэг ямаа” хөтөлбөрийг хэрэгжүүлэх гурван талт хамтын ажиллагааны санамж бичигт БОАЖ-ын Сайд Б.Бат-Эрдэнэ, Архангай аймгийн Засаг дарга Б.Цэрэннадмид, Аялал жуулчлалын мэргэжлийн холбооны тэргүүн, дэд ерөнхийлөгч Т.Баттулга нар гарын үсэг зурлаа.
Отгонтэнгэрийн ДЦГ-ын Даян хэсгийг хариуцсан БОХУБ, байгаль хамгаалагч Б.Налжирмаа Монгол-Канадын дипломат харилцаа тогтоосны 50 жилийн ойг тохиолдуулан Байгаль орчин, аялал жуулчлалын яам, Монголын Уул Уурхайн Үндэсний Ассоциацийн хамтын ажиллагааны санамж бичгийн хүрээнд хамтран зохион байгуулсан байгаль хамгаалах хөтөлбөрт амжилттай хамрагдлаа.
Байгаль орчин, аялал жуулчлалын Сайд Б.Бат-Эрдэнэ Дэлхийн Байгаль Хамгаалах Сангийн Хөтөлбөрүүдийн захирал Прасанна Дэ Сэлвиа, Дэ Нэйче Консерванси байгууллагын Хамгааллын асуудлыг хариуцсан захирал Жэфф Парриш болон бусад төлөөлөгчдийг хүлээн авч уулзлаа.
Ховордлын зэрэг буурсан шалтгаан нь Казакстан улсад 2005 онд 48,000 орчим толгой тоологдож байсан соргог бөхөн одоогоор 1.9 сая гаруй болж өссөнтэй холбоотой. Харин Монгол бөхөнгийн тоог 2023 оны судалгаагаар 15,540 гэж тогтоосон бөгөөд хамгааллын статусыг "Устаж болзошгүй" ангилалтай хэвээр нь үлдээлээ.
Харамсалтай нь А үнэлгээ авсан улс одоогоор байхгүй ч, амьтан хамгааллын индексээр бусдыгаа тэргүүлж буй хэд хэдэн улс байгаагийн нэг нь Австри юм.
Арванхоёрдугаар сарын 8-ны өдөр АНЭУ-ын Дубай хотноо өрнөж НҮБ-ын Уур амьсгалын өөрчлөлттэй тэмцэх конвенцын талуудын 28-р бага хурлын үеэр Хүүхэд, залуучууд, Боловсрол, Ур чадвар сэдэвтэй өдрийг тэмдэглэн өнгөрөөжээ. Энэ өдөр залуучуудыг уур амьсгалын өөрчлөлтийн эсрэг хөдөлгөөнд залуучуудыг идэвхтэй оролцуулах, тус хурлын хэлэлцээрийн үр дүнг тодорхойлоход чиглэв. НҮБ-ын Уур амьсгалын өөрчлөлттэй тэмцэх конвенцын үйл явцын үр дүнгийн талаарх Парисын хэлэлцээрийн хэрэгжилт, ахиц дэвшлийн залуучуудын цогц үнэлгээг танилцуулсан нээлтийн үйл ажиллагаа тус өдрийн онцлох үйл явдал байлаа. Уг арга хэмжээнд засгийн газар хоорондын уур амьсгалын өөрчлөлтийн бодлогыг тодорхойлох чиглэлээр ажилладаг дэлхийн залуучуудын сүлжээ YOUNGO-ийн гол гишүүд болон G77 болон Хятадын хэлэлцээрийн бүлгийн дарга Педро Луис Педросо Куэста зэрэг өндөр түвшний зочид оролцов.
Тогтвортой аялал жуулчлал - Ногоон хөрөнгө оруулалт чуулган болж байна.
САУДЫН АРАБЫН ХААНТ УЛС 2024 ОНД НҮБ ЦӨЛЖИЛТИН КОНВЕНЦИЙН ТАЛУУДЫН XVI БАГА ХУРЛЫГ ЗОХИОН БАЙГУУЛНА
Цэвдэг гэдэг нь тэг буюу түүнээс доош градуст хоёр буюу түүнээс дээш жил орших хөрс, чулуулгийг хэлнэ. Арван мянган жилийн өмнө устсан арслан зааныг идэж байсан өвстэй нь Сибирийн мөнх цэвдгээс олсон нь шинжлэх ухааны түүхэнд, байгаагүй ололт болсон юм. Үүн шиг хэдэн сая жилийн настай эд өлгийн зүйлс, амьтдын олдворыг бидэнд тэр чигээр нь өвлүүлдэг учраас цэвдгийг байгалийн “мөсөн зоорь” гэж хэлдэг.
Францын найруулагч Хамид Сардар-Афхами Монгол орны тухай, тэр дундаа онгон дагшин байгаль, түүнийг хамгаалж буй байгаль хамгаалагчийн тухай өгүүлсэн “Баавгайн хөндий” баримтат кино олон улсын кино сонирхогчдын анхаарлыг татаж, шилдэг бүтээлээр дэлхийн нэр хүндтэй Festival international du film et livre d’aventure de la rochelle, Festival international du film ornithologique de ménigoute, Le grand bivouac, Matsalu international nature film festiva, Alpin film festival, Jackson wild media awards зэргээс 20 удаагийн цом, шагналуудыг хүртээд байна.
.jpg)
“УУР АМЬСГАЛЫН ӨӨРЧЛӨЛТИЙН ГАЗРЫН ДОРОЙТОЛ, ЦӨЛЖИЛТИЙГ БУУРУУЛАХ ЗАМААР СААРУУЛАХ НЬ” СЭДЭВТ ХАМТАРСАН ХЭЛЭЛЦҮҮЛЭГ БОЛЛОО
Байгаль орчин, аялал жуулчлалын Сайд Б.Бат-Эрдэнэ 2023 оны 12 дугаар сарын 03-ны өдөр Цөлжилттэй тэмцэх тухай НҮБ-ын суурь конвенцын Гүйцэтгэх нарийн бичгийн дарга Ихбрахим Тиаутай уулзалт хийлээ. Уулзалтын эхэнд БОАЖ-ын Сайд Б. Бат-Эрдэнэ цөлжилт, газрын доройтлыг сааруулах, газрыг нөхөн сэргээх санаачилгуудыг өргөжүүлэх зорилго бүхий Сайд нарын түвшний арга хэмжээ олон Улсын хамтын ажиллагааны шинэлэг санал, шийдлүүдээр дүүрэн байсанд баяртай байгаагаа илэрхийллээ.
УУР АМЬСГАЛЫН САНХҮҮЖИЛТИЙН АСУУДЛААР САЙД НАРЫН ТҮВШНИЙ ХЭЛЭЛЦҮҮЛЭГ ЗОХИОН БАЙГУУЛАГДЛАА
Аялал жуулчлалын судалгаа 2023" эрдэм шинжилгээний хуралд салбарын эрдэмтэн, судлаачид, мэргэжлийн байгууллагын төлөөллүүд 30 гаруй сэдвийн хүрээнд эрдэм шинжилгээ, судалгааны бүтээлээ олон нийтэд танилцуулан, хэлэлцүүллээ.
Монголын Хуульчдын холбоо нь Байгаль орчны багц хуулиуд, түүн дотроо Тусгай хамгаалалттай газар нутгийн тухай хуулийн шинэчилсэн найруулга дээр Байгаль орчин, аялал жуулчлалын яамтай ажиллах санамж бичгийг байгууллаа.
Байгаль орчин, аялал жуулчлалын яамны БНБЗГ-ын дарга, Ерөнхий шинжээч Ц.Уранчимэг, Байгаль орчны үнэлгээ аудитын хэлтсийн шинжээчид Байгаль орчны үнэлгээний мэргэжлийн байгууллагын эрхтэй 58 аж ахуйн нэгж, байгууллага болон Байгаль орчинд нөлөөлөх байдлын үнэлгээг хянах, батлах үүрэг бүхий мэргэжлийн зөвлөлийн гишүүдтэй уулзалт хийлээ.
Уг төслийн сонгон шалгаруулалтын явцад нийт 200 орчим төслийн саналыг Санд ирүүлсэн бөгөөд олон улсын итгэлцлийн сангуудын зарчим, стандартын дагуу төслийн сонгон шалгаруулалтыг явуулж, шалгарсан 34 төслийг өнөөдөр олон нийтэд танилцуулж батламж гардууллаа. Энэ жилийн шалгарсан төслүүдийн хүрээнд 37 га талбайд нийт 105,000 гаруй модыг тарьж ургуулах, 20,000 мкв ногоон байгууламжийг бий болгохоос гадна 5 жилийн хугацаанд тогтмол арчилж, эргэн хяналтыг хийх юм. Түүнчлэн 70 гаруй шинэ ногоон ажлын байрыг бий болгож, 3 төрлийн шинэ технологи, инновацийн шийдлийг нэвтрүүлж, төрийн өмчийн сургууль цэцэрлэгийн 18,000 гаруй хүүхэд, сурагчдыг ногоон орчинд сурч боловсрох боломжоор хангах юм. Экологийн боловсролын чиглэлийн хүрээнд нийт 800,000 орчим хүнд тарьсан модоо ургуулах зөв мэдлэгийг түгээж, байгаль орчноо хайрлах эерэг хандлагыг бий болгоно.
НҮБ-ын Залуу төлөөлөгч - Байгаль орчны манлайлал 2023" хөтөлбөрийн шилдэг оролцогч Г.Эрчиссаран Дубай хотноо зохион байгуулагдаж буй НҮБ-ын Уур амьсгалын өөрчлөлтийн залуучуудын 18 дугаар бага хуралд эх орноо төлөөлөн оролцож байна.
ЗГХА Ойн газраас сумын болон сум дундын ойн ангийн 30 инженер, техникч, ойн хөнөөлт шавж, өвчний судалгаа, тэмцлийн ажил гүйцэтгэдэг ойн мэргэжлийн байгууллагын 15 инженер, техникийн ажилчдыг тус тус “Earthranger” программын сургалтад хамруулж байна. Танхимын сургалтад хамрагдсан мэргэжилтнүүд өнөөдөр хотын ногоон бүсэд хээрийн дадлага хийлээ.
Архангай аймаг 2024 онд ЗУУН МЯНГАН ЖУУЛЧИН хүлээн авахаар зорьж байгаа ба нутгийн онцлогт тулгуурлан ДӨРВӨН УЛИРАЛ-ийн турш зохион байгуулах эвент арга хэмжээ, "Нэг жуулчин-Нэг ямаа" төслийг БОАЖ-ын Сайд Б.Бат-Эрдэнэ болон Мэргэжлийн аялал жуулчлалын холбооны төлөөлөлд танилцууллаа.
“Байгаль хамгаалагчдын II чуулган”-ны үед жуулчны урсгалыг нэмэгдүүлэх “Нэг жуулчин-Нэг хонь” хөтөлбөрийг хэрэгжүүлэх гурван талт хамтын ажиллагааны санамж бичигт БОАЖ-ын Сайд Б.Бат-Эрдэнэ, Булган аймгийн Засаг дарга Б.Ариун-Эрдэнэ, Аялал жуулчлалын мэргэжлийн холбооны Ерөнхийлөгч Ц.Баатарсайхан нар гарын үсэг зурлаа.
БОАЖ-ын Сайд Б.Бат-Эрдэнийн санаачилгаар "Байгаль хамгаалагчдын чуулган"-ыг Төрийн ордонд хоёр дахь жилдээ зохион байгууллаа. Уг арга хэмжээний үед салбартаа амжилт гарган ажилласан дараах албан хаагчдыг Төрийн дээд одон медаль болон салбарын Тэргүүний ажилтан цол, тэмдгээр шагнав.
"Хөрс ой санамжтай" гэж хөрс судлаачид ярьдаг. Өөрөөр хэлбэл хөрсийг уншиж болдог. Ингэж сурвал тухайн хөрсөнд ямар ургамал илүү сайн ургах, хөрсөө яаж сайжруулах, тордох вэ гэдэг нь маш тодорхой болно. Хөрсийг уншихад заавал ашиглах 2 гарын авлага танилцуулъя. Хоёулаа англи хэл дээр, pdf файл нь үнэгүй татаж авахаар интернэтэд байж байгаа. Нэг нь НҮБ-ын Хүнс, хөдөө аж ахуйн байгуулагаас 2023 онд анх удаа гаргасан "Азийн хөрсний атлас". Энэ зураг дээр жишээ болгоод Дархан орчмын хөрсний зураг үзүүллээ. Атласыг дараах линкээр ороод Download the PDF version гэснийг дарж татаарай.
"Бид эх дэлхийн байгаль хамгаалагч" уриатай “БАЙГАЛЬ ХАМГААЛАГЧДЫН II ЧУУЛГАН” 11 дүгээр сарын 25-нд Төрийн ордонд болно.
.jpg)
Байгаль орчны аудит нь байгууллагын үйл ажиллагааг сайжруулахад чиглэсэн зөвлөх үйлчилгээний нэг төрөл бөгөөд үндсэн зорилго нь Байгалийн нөөц ашиглан үйл ажиллагаа явуулж буй аж ахуй нэгжүүдийн үйл ажиллагаанд холбогдох, зайлшгүй мөрдөх эрхзүйн баримт бичиг, тэдгээрийн шаардлагын нийцлийн дүн шинжилгээг хийх, үл нийцлийг арилгахад туслах, үйл ажиллагааг сайжруулахад зөвлөх үйлчилгээ үзүүлэх юм.
Танд 🙋♂️байгаль орчны тулгамдсан 🤔асуудал байвал манайд хандан дараах үйлчилгээг аваарай:⬇️⬇️⬇️⬇️⬇️⬇️ Байгаль орчны төлөв байдлын үнэлгээ, 🏡 Байгаль орчны нөлөөллийн нарийвчилсан үнэлгээ, 🌱 Байгаль орчны менежментийн төлөвлөгөө, 🌳 Байгаль орчны менежментийн төлөвлөгөөний биелэлтийн тайлан, 👩💼 Байгаль орчны зөвлөгөө г.м
📌Байгаль хамгаалагчдын II чуулган 2023.11.25-нд Төрийн ордонд болно.
✅2023.11.25-нд болох "Байгаль хамгаалагчдын II чуулган"-ыг угтан зохион байгуулж буй тус сургалтад УТХГН-ийн хамгаалалтын захиргаадын 50 эрх бүхий албан хаагч хамрагдлаа.
"Мөнгөнмарал" ХХК © 2022. © Зохиогчийн эрх хуулиар хамгаалагдсан
Хөгжүүлэгч Майнд Симбол ХХК
Мөнгөнмарал ХХК